پی ٹی آئی نے عالمی ادارے سے الیکشن کیلیے سیٹلائٹ انٹرنیٹ تک رسائی مانگ لی

پاکستان تحریک انصاف نے عام انتخابات کے پیش نظر ملک میں انٹرنیٹ کی ممکنہ بندش پر ایلون مسک سے سیٹلائٹ سروس فراہم کرنے کا مطالبہ کردیا۔

پاکستان تحریک انصاف کے آفیشل ایکس اکاؤنٹ پر ایلون مسک (مالک اسٹار لنک، ایکس، ٹیسلا) کو مخاطب کر کے مطالبہ کیا گیا ہے کہ پاکستان میں 8 فروری کو عام انتخابات ہونے جارہے ہیں اور ’فاشسٹ‘ حکومت نے ووٹنگ کے دن انٹرنیٹ کی بندشن کا اشارہ دیا ہے۔

درخواست میں کہا گیا ہے کہ ’ہماری (پی ٹی آئی) کی آپ سے درخواست ہے کہ ہمیں صرف ایک دن کے لیے اسٹار لنک سروس فراہم کی جائے‘۔ اس کے ساتھ پی ٹی آئی نے ایکس پر ٹرینڈ کرنے والے ہیش ٹیگز کا اسکرین شارٹ بھی شیئر کیا۔

واضح رہے کہ اسٹار لنک سے سیٹلائٹ کے ذریعے انٹرنیٹ سروس مختلف ممالک میں فراہم کی جاتی ہے، یہ تیز ترین اور بغیر تار والی سروس ہے اور اس کمپنی کے مالک ایلون مسک ہیں۔

Dear @elonmusk

General #Elections2024 in Pakistan are going to be held on February 8th. The Fascist Govt has hinted the internet shutdown on voting day, so we request you to provide us star link access for one day! #StarlinkForPakistan - see trends below in Pakistan. pic.twitter.com/7WCM9Mbigk

— PTI (@PTIofficial) February 6, 2024