پی ٹی آئی کو بڑا دھچکا، الیکشن کمیشن نے سینیٹر، اپوزیشن لیڈر سمیت 3 اراکین کو نااہل قرار دے دیا

الیکشن کمیشن آف پاکستان نے تحریک انصاف کو بڑا دھچکا دیتے ہوئے تین اہم اراکین بشمول اپوزیشن لیڈر پنجاب کو نااہل قرار دے دیا۔

الیکشن کمیشن آف پاکستان نے سانحہ 9 مئی میں سزا یافتہ ہونے پر سینیٹر اعجاز چوہدری،احمد خان بھچر اور احمد چٹھہ کو نااہل قرار دیدیا۔

الیکشن کمیشن نے سینیٹر اعجاز چوہدری کی نااہلی کا نوٹیفکیشن جاری کردیا جس میں لکھا گیا ہے کہ انسداد دہشتگردی عدالت نے اعجاز چوہدری کو دس سال کی سزا سنائی ہے۔

اسی طرح الیکشن کمیشن نے این اے 66 وزیر آباد سے احمد چٹھہ اور پی پی 87 میانوالی سے اپوزیشن لیڈر پنجاب احمد خان بھچر کو نااہل قرار دے دیا۔

انسداد دہشتگردی عدالت کے فیصلوں کے بعد دونوں نااہل قرار پائے جبکہ الیکشن کمیشن نے تینوں نشستوں کو خالی قرار دے دیا۔