جمادی الاوّل کا چاند نظر آگیا، رمضان میں صرف چار ماہ باقی

لاہور: چیئرمین مرکزی رؤیت ہلال کمیٹی پاکستان مولانا سید محمد عبدالخبیر آزاد نے ماہ جمادی الاوّل 1448 ہجری کا چاند نظر آنے کا اعلان کردیا۔

مولانا عبدالخبیر آزاد کے مطابق لاہور میں ہونے والے مرکزی اجلاس میں چاند کی رؤیت سے متعلق موصول ہونے والی شہادتوں کا جائزہ لیا گیا۔ گوادر، جیوانی اور پسنی سمیت ملک کے مختلف علاقوں سے چاند نظر آنے کی شہادتیں موصول ہوئیں۔

اجلاس میں مرکزی اور زونل رؤیت ہلال کمیٹیوں کے ارکان کے علاوہ محکمہ موسمیات اور متعلقہ اداروں کے فنی ماہرین نے بھی شرکت کی۔

اجلاس کے اختتام پر پاکستان کی سلامتی، ترقی اور خوشحالی، عالم اسلام کے اتحاد اور غزہ و فلسطین کے مظلوم مسلمانوں کی آزادی کے لیے خصوصی دعا کی گئی۔