اے ایس پی شہر بانو کی شادی کی تصاویر سامنے آگئیں، دلہا کون ہے؟

لاہور کے اچھرہ بازار میں جنونیوں سے خاتون کو بچانے کے واقعے کے بعد شہرت کی بلندیوں کو پہنچنے والی پنجاب پولیس کی اسسٹنٹ سپرنٹنڈنٹ پولیس (اے ایس پی) شہر بانو نقوی پیا گھر سدھار گئیں۔

تفصیلات کے مطابق شہر بانو نقوی کی شادی کی تمام مہندی، بارات اور ولیمہ لاہور میں ہی منعقد ہوئیں جن میں شوبز ستاروں نے شرکت کی اس کے علاوہ محکمہ پولیس کے افسران، سماجی رہنما سمیت سیاسی شخصیات بھی شریک ہوئیں۔

دعوت ولیمہ گزشتہ روز لاہور کے مقامی ہوٹل میں ہوا۔

اے ایس پی کے دلہا کون ہے؟

اطلاعات کے مطابق شہر بانو نقوی کی شادی منڈی بہاؤ الدین سے تعلق رکھنے والے تاجر سے ہوئی ہے اور اُن کا شجرہ نسب بھی نقوی ہی ہے۔ 

شہر بانو نقوی کے دلہا کا نام اشتر نقوی ہے اور یہ بات بھی سامنے آئی ہے کہ وہ اُن کے دور کے رشتے دار بھی ہیں تاہم اس کی تصدیق نہیں ہوسکی۔

شادی کی تصاویر سامنے آنے کے بعد سوشل میڈیا صارفین نے شہر بانو نقوی کو مبارک باد دی اور نیک تمناؤں کا اظہار کیا۔