محمد شیراز کا اپنے مستحق دوست کو نئے گھر کا تحفہ

گلگت بلتستان کے علاقے سیاچن سے تعلق رکھنے والے ننھے پاکستانی وی لاگر نے ایک بار پھر سب کے دل جیت لیے۔

اپنی گلابی اردو اور معصومانہ باتوں کی وجہ سے پاکستان سمیت دنیا بھر میں ڈیجیٹل میڈیا پر مشہور ہونے والے محمد شیراز یوٹیوب اور سوشل میڈیا سے حاصل ہونے والی آمدنی سے اپنے گاؤں کے غریب و نادار لوگوں کی مدد کررہے ہیں۔

انہوں نے رمضانوں میں اپنے علاقے کے مستحقین میں راشن تقسیم کیا جبکہ ایک بوڑھے شخص کو گھر بھی بنا کر دیا تھا۔ 

اب محمد شیراز نے اپنے ایک مستحق و غریب دوست محمد حسین کو اُن کے گاؤں میں ایک نیا گھر بنا کر تحفے میں دیا اور بتایا کہ انہیں اب تک کی زندگی میں جتنی خوشی اس موقع پر ہوئی اس سے پہلے کبھی بھی نہیں ہوئی تھی۔