کیریئر کے مشکل وقت میں کس نے سہارا دیا ؟ شروتی ہاسن کی لب کشائی

ممبئی: سائوتھ اور بالی ووڈ کی فلموں کی معروف اداکارہ شروتی ہاسن کا کہنا ہے کہ جب وہ اپنے کیریئر کے حوالے سے شکوک و شبہات اور پریشانی میں تھیں تو ایسے میں سپر اسٹار دھنوش اور انکی سابقہ اہلیہ ایشوریا رجنی کانت نے میری مدد کی تھی۔

واضح رہے کہ 2012کی رومانوی نفسیاتی سنسنی خیز تامل فلم 3 شروتی کے کیریئر کے لیے ایک اہم موڑ تھا۔ فلم کی ہدایتکارہ ایشوریا رجنی کانت اور مرکزی کردار دھنوش کی جانب سے انھیں کافی سپورٹ ملا۔

39 سالہ شروتی ہاسن کو اس وقت کئی ناکام فلموں کا سامنا تھا جس میں ہندی فلم لک اور تیلگو فلم ان گنا نگا او دھیردو کے بعد شدید مشکلات کا سامنا تھا، ایسے میں انہیں ایشوریا رجنی کانت کی 2012 کی رومانٹک فلم 3 میں کام کا موقع ملا۔

ایک انٹرویو میں ساوتھ کے مشہور اداکار، فلمساز اور سیاستدان کمل ہاسن کی بیٹی شروتی نے کہا کہ تھری نے انکے فلمی کیریئر کو تبدیل کرکے رکھ دیا تھا۔