کراچی کی ٹوٹی سڑکیں، مصطفیٰ قریشی اپنی ٹانگ تڑوا بیٹھے

پاکستانی فلم انڈسٹری کے معروف سینئر اداکار مصطفیٰ قریشی کی کراچی میں واک کے دوران ٹوٹی سڑک میں گر کر ٹانگ ٹوٹ گئی۔

رپورٹس کے مطابق معروف اداکار مصطفی قریشی کا کہنا ہے کہ وہ صبح کے وقت واک کر رہے تھے، جب کھدی ہوئی سڑک میں ان کا پیر پھنس گیا۔

انہوں نے کہا کہ پیر پھنس جانے کی وجہ سے وہ بری طرح گرے، سر فٹ پاتھ سے ٹکرایا، آنکھ بچ گئی لیکن  ٹانگ ٹوٹ گئی۔

مصطفی قریشی نے ایک بیان میں کہاکہ اللہ حکمرانوں کو عقل دے کہ وہ شہر کی سڑکیں بنا دیں۔

خاندانی ذرائع کے مطابق ڈاکٹرز نے مصطفی قریشی کو 6  ہفتے آرام کا مشورہ دیا ہے۔