ہانیہ عامر کی آکسیجن ماسک لگی تصویر سامنے آنے کے بعد مداحوں کو تشویش

معروف پاکستانی اداکارہ ہانیہ عامر کی سوشل میڈیا پر ایک تصویر شیئر ہوئی جس کے بعد مداحوں میں تشویش پھیل گئی ہے۔ 

انسٹاگرام پر ہانیہ عامر کی  چہرے پر آکسیجن ماسک پہنی ہوئی تصویر شیئر کی۔ جس کے بعد ان کی صحت سے متعلق افواہیں پھیلنا شروع ہو گئیں۔

اس تصویر میں وہ ہاتھ کے اشارے سے یہ پیغام دینے کی کوشش کر رہی ہیں کہ وہ ٹھیک ہیں، لیکن ان کی یہ حالت دیکھ کر مداحوں کی پریشانی بڑھ گئی۔

صارفین اور مداحوں نے کمنٹس میں اپنی تشویش کا اظہار کرتے ہوئے ان کی جلد صحت یابی کے لیے دعائیں کیں۔

کچھ لوگوں نے یہ بھی سوال کیا کہ کیا انہیں سانس کا کوئی مسئلہ ہے یا یہ تصویر کسی آنے والے پروجیکٹ کا حصہ ہے۔

ہانیہ عامر نے تاحال اس تصویر کے بارے میں کوئی وضاحت نہیں دی، جس کی وجہ سے سوشل میڈیا پر ان کی صحت کے بارے میں مختلف قیاس آرائیاں جاری ہیں۔