اچھی خبر! سونے کی قیمت میں یکدم ہزاروں روپے کی کمی

ملک بھر میں سونے کی قیمتوں میں نمایاں کمی ریکارڈ کی گئی ہے۔

آل پاکستان جیمز اینڈ جیولرز ایسوسی ایشن کے مطابق 24 قیراط سونا فی تولہ 4 ہزار روپے سستا ہو کر 4 لاکھ 50 ہزار 862 روپے کی سطح پر آ گیا ہے۔

اسی طرح 10 گرام سونے کی قیمت میں بھی 3 ہزار 429 روپے کی کمی ہوئی ہے، جس کے بعد نئی قیمت 3 لاکھ 86 ہزار 541 روپے مقرر کی گئی ہے۔

دوسری جانب عالمی مارکیٹ میں بھی سونے کی قیمت میں کمی دیکھی گئی ہے، جہاں فی اونس سونا 40 ڈالر سستا ہو کر 4 ہزار 285 ڈالر پر آ گیا ہے۔