اسرائیل اور لبنان کے مذاکرات آئندہ ہفتے واشنگٹن میں ہوں گے، امریکی محکمہ خارجہ

امریکہ کے دارالحکومت واشنگٹن میں آئندہ ہفتے اسرائیل اور لبنان کے درمیان اہم مذاکرات ہونے کا امکان ہے۔

امریکی محکمہ خارجہ کے ایک عہدیدار کے مطابق یہ ملاقات جنگ بندی سے متعلق جاری کوششوں کو آگے بڑھانے کے لیے منعقد کی جا رہی ہے۔ ان کا کہنا تھا کہ محکمہ خارجہ آئندہ ہفتے اس اجلاس کی میزبانی کرے گا، جس میں اسرائیل اور لبنان کے نمائندے شریک ہوں گے۔

ذرائع کے مطابق اس ملاقات میں دونوں ممالک کے درمیان جاری کشیدگی کو کم کرنے اور جنگ بندی کو مؤثر بنانے کے مختلف پہلوؤں پر بات چیت کی جائے گی۔

تجزیہ کاروں کا کہنا ہے کہ یہ مذاکرات خطے میں امن کی کوششوں کے لیے اہم پیش رفت ثابت ہو سکتے ہیں، تاہم حتمی نتائج کا دارومدار دونوں فریقین کے مؤقف اور باہمی اتفاق رائے پر ہوگا۔