اسرائیل کا گلوبل صمود فلوٹیلا کی کشتیوں کو سمندر میں ڈبونے کا منصوبہ بے نقاب

 اسرائیل کی جانب سے غزہ کی امداد کے لیے روانہ "گلوبل صمود فلوٹیلا" کو روکنے کے لیے بعض کشتیوں کو سمندر میں ڈبونے کا منصوبہ تیار کیا گیا ہے۔

عرب اور اسرائیلی میڈیا رپورٹس میں انکشاف ہوا ہے کہ فلوٹیلا جب ہائی رسک زون میں داخل ہوا تو اسرائیلی بحری جہازوں نے اس کا گھیرا ؤکر لیا اور دو مرکزی کشتیوں کے کمیونیکیشن سسٹم جام کر دیے۔

عرب میڈیا کا کہنا ہے کہ یہ اقدام امدادی سامان غزہ پہنچنے سے روکنے کے لیے کیا گیا۔

فرانسیسکا البانیز نے اٹلی کے جہاز پیچھے ہٹانے کے فیصلے پر سخت ردعمل ظاہر کیا اور کہا کہ یہ اسرائیل کو مزید مظالم اور نسل کشی کا موقع دینے کے مترادف ہے۔

کولمبیا کے صدر گستاوو پیٹرو نے بھی خبردار کیا کہ پرامن امدادی مشن پر حملہ بین الاقوامی قوانین کی کھلی خلاف ورزی اور انسانیت کے خلاف جرم ہوگا۔