جمعے کی نماز چھوڑنے پر 2 لاکھ روپے جرمانہ اور 3 سال قید کی سزا

ملائیشیا میں نماز جمعہ نہ پڑھنے پر سخت سزائیں، دو سال تک قید اور بھاری جرمانہ عائد کردیا گیا ہے۔

ملائیشیا کی ریاست ترنگانو نے شرعی عذر کے بغیر نماز جمعہ ادا نہ کرنے والے مردوں کے لیے سخت سزاؤں کا اعلان کیا ہے۔

 نئے قوانین کے تحت، صرف ایک بار بھی جمعہ کی نماز چھوڑنے پر دو سال تک قید یا 3 ہزار رنگٹ (تقریباً 2 لاکھ پاکستانی روپے) کا بھاری جرمانہ عائد کیا جا سکتا ہے، یا دونوں سزائیں ایک ساتھ بھی دی جا سکتی ہیں۔

ملائیشین اسلامی پارٹی (پی اے ایس) کی زیرِ انتظام حکومت نے اس ہفتے یہ فیصلہ جاری کیا۔ اس سے قبل، ریاست میں تین مرتبہ نماز جمعہ چھوڑنے پر سزا دی جاتی تھی، لیکن اب یہ پابندی اور سزا کا دائرہ مزید سخت کر دیا گیا ہے۔

یہ اقدام ملائیشیا میں عوامی بحث کا موضوع بن چکا ہے، جہاں لوگ اس سخت قانون پر اپنا ردعمل ظاہر کر رہے ہیں۔