دنبے کی ٹکر سے میاں بیوی ہلاک

نیوزی لینڈ کے شہر آکلینڈ میں بوڑھا جوڑا مینڈھے کی ٹکر سے ہلاک ہوگیا، جبکہ پولیس نے دنبے کو گولی مار کر ہلاک کردیا۔

رپورٹ کے مطابق متوفی جوڑا دیہی ویسٹ آکلینڈ میں اپنے گھر سے جڑے ایک اصطبل میں مردہ پایا گیا، دونوں کی عمر 80 سال سے زائد تھی۔

پولیس کا کہنا ہے کہ دونوں میاں بیوی اپنے بیٹے ساتھ رہتے تھے جب کافی دیر تک بیٹے نے انکی آواز نہیں سنی تو وہ انکو ڈھونڈتا ہوا اصطبل پہنچا جہاں وہ مردہ حالت میں تھے۔

واقعے کی اطلاع پر پولیس جائے وقوعہ پر پہنچی تو مینڈھا بھی وہیں موجود تھا اور یہ وہیں پر پل رہا تھا۔ پولیس نے مینڈھے کو قابو کرنے کی کوشش کی تاہم خطرے کو بھانپتے ہوئے اسے گولی مار کر ہلاک کردیا۔