سندھ میں دادا نے کاروکاری کے نام پر پوتی کو قتل کردیا

سندھ کے علاقے بدین میں دادا نے مبینہ طور پر پوتی کو کاروکاری پر قتل کردیا۔

تفصیلات کے مطابق سندھ کے ضلع بدین میں دادا نے مبینہ طور پر پوتی کو غیرت اور کاروکاری کے نام پر قتل کیا۔

واقعہ بدین کے تھانہ ترائی کی حدود میں واقع گاؤں آدم ابڑو میں پیش آیا۔ پولیس ذرائع کے مطابق مقتولہ کو چھری کے وار کرکے قتل کیا گیا۔

واقعے کی اطلاع ملنے پر ریسکیو رضاکاروں نے لاش کو پوسٹ مارٹم کے لیے بدین منتقل کردیا گیا، ملزم کی گرفتاری کے لیے کارروائی شروع کردی گئی ہے۔