وزیراعظم کی جانب سے یوم اقبال پر نقد انعام دینے کے پیغامات جعلی قرار

اسلام آباد: یومِ اقبال کے موقع پر وزیراعظم پاکستان کی جانب سے شہریوں کو 13 ہزار روپے نقد انعام دینے کے پیغامات سوشل میڈیا پر گردش کر رہے ہیں، تاہم یہ دعویٰ جعلی ہے۔

 نیشنل سائبر کرائم انویسٹی گیشن ایجنسی (این سی سی آئی اے) نے ان پیغامات کی تردید کرتے ہوئے شہریوں کو خبردار کیا ہے کہ وہ جعل سازوں کے جھانسے میں نہ آئیں۔

 این سی سی آئی اے کے مطابق دھوکہ باز وزیراعظم کے نام سے جعلی پیغامات اور مشکوک لنکس پھیلا رہے ہیں، جن کا مقصد شہریوں کی ذاتی معلومات اور بینک اکانٹس کی تفصیلات حاصل کر کے مالی فراڈ کرنا ہے۔

 حکام نے شہریوں کو ہدایت کی ہے کہ غیر مصدقہ لنکس کھولنے، شناختی کارڈ یا بینک اکانٹ کی معلومات فراہم کرنے اور ایسے پیغامات دوسروں کو بھیجنے سے گریز کریں۔

ڈی جی این سی سی آئی اے سید علی ناصر رضوی کے مطابق سائبر فراڈ میں ملوث افراد کے خلاف سخت کارروائی جاری ہے، شہری کسی بھی مشکوک سرگرمی یا آن لائن دھوکہ دہی کی شکایت ہیلپ لائن 1799 یا قریبی این سی سی آئی اے دفتر میں درج کرا سکتے ہیں۔