کراچی میں سردی کا آغاز، درجہ حرارت 16 ڈگری ریکارڈ

کراچی میں موسم سرما نے دستک دے دی ہے۔ شہر میں کم سے کم درجہ حرارت 16 ڈگری سینٹی گریڈ ریکارڈ کیا گیا ہے۔

محکمہ موسمیات کے مطابق اگلے 24 گھنٹوں میں موسم خشک رہے گا اور رات کے وقت خنکی میں اضافہ ہوگا۔

ماہرین کہتے ہیں کہ دن کا زیادہ سے زیادہ درجہ حرارت 30 سے 32 ڈگری سینٹی گریڈ تک رہنے کا امکان ہے، جبکہ ہوا میں نمی کا تناسب 76 فیصد ریکارڈ کیا گیا ہے۔

محکمہ موسمیات کے مطابق شمال مشرق کی سمت سے ہلکی ہوائیں 3 کلومیٹر فی گھنٹہ کی رفتار سے چل رہی ہیں۔