کراچی میں موسلا دھار بارشوں سے اربن فلڈنگ کا خدشہ

کراچی: نیشنل ڈیزاسٹر مینجمنٹ اتھارٹی (این ڈی ایم اے) ملک کے بیشتر علاقوں میں مون سون کے نئے اسپیل سے متاثر ہونے کا خدشہ ظاہر کرتے ہوئے الرٹ جاری کر دیا ہے۔

این ڈی ایم اے کے مطابق سندھ کے ساحلی اضلاع کراچی، ٹھٹھہ، سجاول، بدین، تھرپارکر میں 30 اگست تا 2 ستمبر کے دوران شدید بارشیں متوقع ہیں۔

این ڈے ایم اے کا کہنا ہے کہ  بارشوں کے آنے والے نئے اسپیل کے نتیجے میں ممکنہ شدید بارشوں کے باعث ملک کے معاشی حب کراچی میں شہری سیلاب کا خدشہ ہے۔

اندرونِ سندھ کے اضلاع بشمول حیدرآباد، دادو، سکھر، گھوٹکی، لاڑکانہ، جیکب آباد، کشمور میں 30 اگست تا 1 ستمبر موسلا دھار بارشوں کا امکان ہے۔