کراچی میں حادثات روکنے کیلیے مین ہولز پر حفاظتی جالی لگانے کا عمل شروع

میئر کراچی بیرسٹر مرتضیٰ وہاب نے اعلان کیا ہے کہ طارق روڈ سے مین ہولز کورز لگانے کے ساتھ ساتھ حفاظتی جالی لگانے کے منصوبے کا آغاز کر دیا ہے۔

 اس موقع پر گفتگو کرتے ہوئے میئر کراچی کا کہنا ہے کہ پورے شہر میں مین ہولز کے کورز کے ساتھ ساتھ حفاظتی جالی لگائی جائے گی، اب مین ہولز میں بچوں کے گرنے کے واقعات رونما نہیں ہونگے۔

 انہوں نے کہا کہ حفاظتی جالی 180 کلو وزن برداشت کر سکتی ہے اس سلسلے میں تجربہ کیا جا چکا ہے،شہری کھلے میں ہولز سے متعلق شکایات واٹر کارپوریشن کی ہیلپ لائن 1334 پر بھی کروا سکتے ہیں.