کامران ٹیسوری کا سافٹ ویئر اپ ڈیٹ ہوا ہے، فیصل واوڈا کا دعویٰ

سابق وفاقی وزیر اور سینیٹر فیصل واوڈا نے گورنر سندھ کامران ٹیسوری کا سافٹ ویئر حال ہی میں اپ ڈیٹ ہونے کا انکشاف کیا کء۔

تفصیلات کے مطابق پاکستانی سیاست میں ایک بار پھر تناؤ کی لہر دوڑ گئی ہے جب سینیٹر فیصل واوڈا نے گورنر سندھ کامران ٹیسوری کے بارے میں ایک متنازع بیان دیا ہے۔

 واوڈا نے دعویٰ کیا ہے کہ ٹیسوری کا 'سافٹ ویئر' عارضی طور پر اپ ڈیٹ کر دیا گیا ہے اور 'نٹ بولٹ' بھی کس دیے گئے ہیں۔

 یہ بیان ایک ٹی وی پروگرام میں دیا گیا جس کی ویڈیو سوشل میڈیا پر وائرل ہو گئی ہے۔

فیصل واوڈا نے پروگرام میں کہا: "کامران ٹیسوری کا عارضی طور پر سوفٹ ویئر بھی اپ ڈیٹ کر دیا گیا ہے اور نٹ بولٹ بھی کس دیے گئے ہیں، باقی آپ خود سمجھدار ہیں باقی بات سمجھ جائیں۔" 

> یہ بیان 18 اگست 2025 کو نشر ہوا اور اسے متعدد سوشل میڈیا اکاؤنٹس پر شیئر کیا گیا ہے۔

سیاسی مبصرین کا خیال ہے کہ یہ بیان ٹیسوری کی حالیہ سرگرمیوں یا سیاسی پوزیشن سے متعلق ہے، جہاں 'سافٹ ویئر اپ ڈیٹ' کا استعارہ اکثر سیاستدانوں کی 'تبدیلیِ مزاج' یا 'وفاداری' کی تبدیلی کے لیے استعمال ہوتا ہے۔

یہ پہلا موقع نہیں جب فیصل واوڈا اور کامران ٹیسوری کے درمیان تناؤ سامنے آیا ہو۔ دسمبر 2024 میں بھی واوڈا نے ایک صوبائی گورنر کی کرسی 'سرکنے' کا اشارہ دیا تھا، جسے ٹیسوری کی طرف منسوب کیا گیا تھا۔

 اس وقت واوڈا نے کہا تھا کہ ایک گورنر 'مشکل میں آنے والا ہے' اور اسے 'جھوٹ بولنے' اور 'کنفیوژن پھیلانے' کا الزام لگایا تھا۔ 

 جواب میں کامران ٹیسوری نے واوڈا کو 'اچھا انٹرٹینر' قرار دیا اور کہا کہ انہیں صرف تفریح کے لیے دیکھنا چاہیے۔ ٹیسوری نے مزید کہا: "فیصل واوڈا ہمارے بھائی ہیں۔ بہت اچھے کھلاڑی ہیں مگر جذباتی کھلاڑی ہیں، کبھی کبھی یہ بھول جاتے ہیں کہ کون سی سائیڈ سے کھیلنا ہے تو اس کے لیے انہیں بالکل اجازت ہے۔"

ٹیسوری نے واوڈا کے بارے میں مزید کہا: "جس یونیورسٹی سے فیصل واوڈا ڈاکٹر بنے، وہاں سے میں نے پی ایچ ڈی اور سرجن شپ کی۔" 

دوسری جانب گورنر سندھ کی جانب سے اس بیان پر کوئی ردعمل سامنے نہیں آیا ہے۔