عدالت کا عمران خان کو دم نکلنے تک پھانسی کے پھندے پر لٹکانے کا حکم

راولپنڈی کے تھانہ دھمیال میں قتل کیس میں گرفتار شخص عمران خان کو عدالت نے موت کی سزا سنادی۔

تفصیلات کے مطابق راولپنڈی کے تھانہ دھمیال میں ملزم نے ذاتی دشمنی پر نماز جمعہ کی ادائیگی کے بعد باہر آنے والے شہری کو فائرنگ کر کے قتل کردیا گیا۔

ملزم واردات کے بعد فرار ہوگیا تھا تاہم لواحقین کی مدعیت میں مقدمہ درج ہونے کے بعد پولیس نے اُسے گرفتار کیا۔

یہ کیس تین سال تک زیر سماعت رہا جس میں آج ایڈیشنل ڈسٹرکٹ اینڈ سیشن جج افشاں اعجاز صوفی نے جرم ثابت ہونے پر عمران خان کو سزائے موت اور پانچ لاکھ روپے جرمانے کی سزا سنائی۔

جج نے فیصلے میں لکھا کہ مجرم کو اس وقت تک پھانسی پر لٹکایا جائے جب تک موت نہ ہو جائے۔