شعیب ملک اور ثنا جاوید کی شادی کا الزام فہد مصطفی کے سر آگیا

پاکستانی کرکٹر شعیب ملک اور ثنا جاوید کی شادی کے بعد سے مختلف قیاس آرائیاں جاری ہیں اور سوشل میڈیا صارفین نے اس کا تعلق فہد مصطفیٰ سے جوڑ دیا۔

شعیب ملک اور اداکارہ ثنا جاوید نے 20 جنوری 2024 بروز ہفتے کو اپنی دوسری شادی کا اعلان کیا، جس نے تمام مداحوں کو دنگ کردیا۔

اس اعلان کے بعد سوشل میڈیا پر شوبز شخصیات اور ساتھی فنکاروں نے جوڑے کو مبارک باد دیتے ہوئے نیک تمناؤں کا اظہار بھی کیا۔

فہد مصطفیٰ کی مبارک باد پر مداحوں نے دونوں کی شادی کی وجہ انہیں قرار دیا۔ واضح رہے کہ شعیب ملک اور ثنا جاوید اے آر وائی کے پروگرام جیتو پاکستان میں شریک تھے اور دونوں کے درمیان یہیں سے قربتیں شروع ہوئیں۔