اگر میرا اکاؤنٹ ہیک ہوگیا تو کئی طلاقیں ہوجائیں گی، متھیرا کا انکشاف

معروف ماڈل و اداکارہ متھیرا نے انکشاف کیا کہ اگر اتفاق سے ان کا انسٹاگرام ہیک ہو گیا تو کئی شادیاں طلاق پر ختم ہو جائیں گی۔

میزبان اور ماڈل ایک نجی چینل کے شو میں اپنی بہن کے ساتھ نظر آئیں۔ اس دوران انہوں نے اپنے کیریئر کے دوران درپیش رکاوٹوں کا اشتراک کیا۔

اپنی شہرت کے پیچھے اسباب سے پردہ اٹھاتے ہوئے، انہوں نے کہا کہ یہ پاکستانی مردوں کی طرف سے دی گئی محبت کی وجہ سے ہے۔

متھیرا نے واضح کیا کہ وہ کسی کے ساتھ تعلقات میں نہیں ہیں اور وہ کسی سے بھی رشتہ استوار نہیں کرنا چاہتی ہیں کیونکہ اب رشتوں میں برداشت اور محبت ختم ہو چکی ہے۔

انہوں نے مزید کہا کہ معمولی سی غلط بات پر رشتے ٹوٹ رہے ہیں۔

شادی کے سوال پر ان کا کہنا تھا کہ وہ فوری طور پر دوبارہ شادی کرنے کا ارادہ نہیں رکھتی اور نہ ہی انہیں کہیں سے شادی کی پیشکش ہوئی ہے۔

ماڈل نے ہمایوں سعید اور شان کو لالی وڈ میں پرکشش اداکار قرار دیا۔

جب ان سے پوچھا گیا کہ جب وہ جہاز میں سفر کرتی ہیں تو لوگوں کا انہیں دیکھ کر کیا ردعمل ہوتا ہے، تو انہوں نے کہا کہ جہاز میں داخل ہونے کے بعد وہ ہر طرف سے سبحان اللہ اور استغفراللہ سنتی ہے۔

متھیرا نے اعتراف کیا کہ انہیں انسٹاگرام پر بہت سارے پیغامات آتے ہیں جو زیادہ تر مردوں کی طرف سے بھیجے جاتے ہیں اور اگر ان کا انسٹاگرام اکاؤنٹ ہیک ہو گیا تو بہت سے مردوں کی شادیاں ٹوٹ جائیں گی۔