دیپیکا اور رنویر کے ہاں ننھے مہمان کی آمد متوقع ؟

بالی ووڈ کی معروف اداکار جوڑی دپیکا اور رنویر کے گھر ننھے مہمان کی آمد متوقع ہے، یہ دعویٰ پیر کے روز بھارتی میڈیا نے کیا ہے۔

بھارتی میڈیا ’دی ویک‘ کی رپورٹ کے مطابق دیپیکا پڈوکون کے قریبی ذرائع نے بتایا کہ اداکارہ کے ہاں پہلے بچے کی پیدائش جَلد متوقع ہے تاہم اداکار جوڑی نے اس حوالے سے تصدیق یا تردید نہیں کی بلکہ مکمل خاموشی اختیار کی گئی ہے۔

اُدھر یہ بھی قیاس کیا جارہا ہے کہ بافٹا کے ریڈ کارپٹ میں دپیکا سفید رنگ کی ساڑھی پہن کر آئیں اور وہ گاہے گاہے اپنی ساڑھی ٹھیک کر کے جسم چھپانے کی کوشش کررہی تھیں، جس کی وجہ سے اس بات نے جنم لیا ہے۔

یاد رہے کہ دیپیکا پڈوکون اور اداکار رنویر سنگھ نے چند سال ڈیٹنگ کرنے کے بعد شادی کی تھی، اس جوڑی کی شادی نومبر 2018ء میں اٹلی میں ایک نجی تقریب کے دوران ہوئی تھی۔