خیبرپختونخوا میں 2 افسوسناک واقعات، 6 پولیس اہلکار شہید

خیبر پختون خواہ کے ضلع ٹانک کے علاقے گومل میں دہشت گردوں کی جانب سے پولیس بکتر بند کو ٹائم ڈیوائس دھماکے سے نشانہ بنایا گیا جس میں ایس ایچ او سمیت 6 اہلکار شہید ہو گئے۔

تفصیلات کے مطابق خیبر پختون خواہ کے ضلع ٹانک اور لکی مروت میں پیر کے روز پولیس کو نشانہ بنانے کے دو واقعات پیش آئے دونوں علاقوں میں آئی ای ڈی دھماکوں کے ذریعے پولیس کو نشانہ بنایا گیا جس میں ایک راہگیر بھی جابحق ہوا جبکہ ایس ایچ او سمیت 6 اہلکار شہید ہوئے۔

ٹانک کے علاقے کوٹ ولی سے 25 کلومیٹر کے فاصلے پر پیش آیا۔ دھماکے کے نتیجے میں پولیس کی بکتربند گاڑی مکمل طور پر تباہ ہو گئی۔

شہید ہونے والوں میں ایس ایچ او اسحاق احمد خان (تھانہ گومل)، اے ایس آئی شیر اسلم خان، ڈرائیور عبدالمجید، ارشد علی، حضرت علی اور احسان اللہ ڈرائیورشامل ہیں۔ 

بعد ازاں حملے میں نشانہ بننے والا ایک راہگیر بھی جانبر نہ ہو سکا، جس کے باعث شہدا کی تعداد 7 ہو گئی۔  

لکی مروت میں دھماکے کے نتیجے میں 3 پولیس اہلکار زخمی ہوئے جن کی حالت خطرے سے باہر ہے۔