کنسرٹ میں میرب کی شرکت، ویڈیو وائرل ہونے پر عاصم اظہر کا شدید ردعمل

معروف گلوکار عاصم اظہر نے اپنی سابق منگیتر میرب علی کے ان کے حالیہ کنسرٹ میں شرکت سے متعلق پھیلنے والی خبروں پر سخت ردعمل دیتے ہوئے کہا ہے کہ سوشل میڈیا پیجز کو خبر شائع کرنے سے پہلے تصدیق کرنی چاہیے۔

عاصم اظہر، جو حال ہی میں اپنے ڈیبیو سولو البم کی ریلیز کے باعث خبروں میں ہیں، جس میں اداکارہ ہانیہ عامر کی موجودگی کے بھی چرچے ہیں۔

عاصم اظہر نے انسٹاگرام پر ایک بیان جاری کرتے ہوئے وضاحت دی کہ گردش کرنے والی ویڈیوز پرانے کنسرٹ کی ہیں، جنہیں غلط تاثر کے ساتھ دوبارہ پھیلایا جا رہا ہے۔

گلوکار نے اپنی انسٹاگرام اسٹوری میں لکھا کہ "میں چند انٹرٹینمنٹ پیجز سے کہنا چاہتا ہوں کہ عوام کو گمراہ کرنے سے گریز کریں۔ صحافت کے نام پر ایسی غیر ذمہ دارانہ رپورٹنگ کی توقع نہیں تھی۔"

انہوں نے مزید کہا کہ "براہ کرم پرانی ویڈیوز کو بغیر سیاق و سباق کے شیئر نہ کریں، تھوڑی تحقیق کرلیا کریں۔"

عاصم اظہر نے زور دیا کہ تفریحی پیجز اور میڈیا پلیٹ فارمز کو اپنی ذمہ داری کا احساس کرنا چاہیے، کیونکہ لاکھوں لوگ انہیں فالو کرتے ہیں۔

انہوں نے کہا کہ "ایسی پلیٹ فارمز پر درست معلومات اور مکمل تناظر کے ساتھ خبریں پیش کی جانی چاہئیں تاکہ عوام کو گمراہ نہ کیا جائے۔"