حمیرا اصغر کیس بند، حتمی میڈیکل رپورٹ میں تہلکہ خیز انکشافات

کراچی کے علاقے ڈیفنس کے اپارٹمنٹ سے مردہ حالت میں ملنے والی اداکارہ حمیرا اصغر کی حتمی میڈیکل رپورٹ سامنے آگئی جبکہ پولیس نے کیس کو بند کردیا ہے۔

تفصیلات کے مطابق کراچی میں اپنے گھر میں مردہ حالت میں ملنے والی ماڈل و اداکارہ حمیرا اصغر کی فائنل میڈیکولیگل رپورٹ تیار کرلی گئی ہے۔ جس کے مطابق اداکارہ کے کپڑوں ٹی شرٹ اور ٹراؤزر پر خون کے دھبوں کے نشانات تھے۔

رپورٹ کے مطابق خون کے دھبے سے ناکافی انسانی ڈی این اے ملا جبکہ حمیرا کی لاش بھی مکمل نہیں تھی ، صرف ہڈیاں تھیں اور یہ سہی سلامت تھیں تاہم جسمانی اعضا نہیں ملے جس کی وجہ سے موت کی وجہ کا تعین نہیں ہوسکا۔

تفتیشی ذرائع نے بتایا کہ  بلڈ اور ڈی این اے کے حوالے سے کوئی ڈیٹا بینک موجود نہیں، اگر ایسے کوئی شواہد سامنے آتے تو  کیس کی تفتیش میں اہم پیش رفت ممکن تھی۔