دوسرا ون ڈے، جنوبی افریقہ نے پاکستان کو شکست دیدی

فیصل آباد کے اقبال اسٹیڈیم میں ہونے والے ون ڈے سیریز کے دوسرے میچ میں جنوبی افریقہ نے پاکستان کو 8 وکٹوں سے شکست دیدی۔

پاکستان نے 3 ون ڈے میچز پر مشتمل سیریز کے دوسرے میچ میں جنوبی افریقا کو جیت کیلئے 270 رنز کا ہدف دیاتھا۔ جنوبی افریقہ نے مطلوبہ ہدف40.1 اوورز میں پورا کرلیا۔

پاکستان نے مقررہ 50 اوورز میں 9 وکٹوں کے نقصان پر 269 رنز اسکور کیے۔ سلمان آغا 69 اور محمد نواز 59 رنز بناکر نمایاں رہے۔

 جنوبی افریقا نے پاکستانی ٹاپ آرڈر بلے بازوں کے آغاز میں ہی پویلین کی راہ دکھادی تھی، اوپنر فخر زمان صفر پر آؤٹ ہوگئے جبکہ بابر اعظم 11 اور محمد رضوان 4 رنز بناکر آؤٹ ہوئے۔

3 وکٹیں گرنے کے بعد سلمان علی آغا اور صائم ایوب نے ذمہ درانہ بیٹنگ کی اور شراکت داری قائم کرتے ہوئے دونوں بیٹرز نے نصف سنچریاں اسکور کیں۔

تاہم پھر صائم 53 اور سلمان علی آغا 69 رنز بناکر ؤآٹ ہوگئے جبکہ حسین طلعت 10 کے اسکور پر ٹیم کا ساتھ چھوڑ گئے۔

اختتامی اوورز میں محمد نواز اور فہیم اشرف نے ذمہ داری سے بیٹنگ کی۔نواز 59 اور فہیم اشرف 28 رنز بناکر آؤٹ ہوئے۔