15 hours ago
عاشر وجاہت نے نامناسب ویڈیو کے بعد ہانیہ عامر سے دوری اختیار کرلی؟
ویب ڈیسک
|
26 Jul 2025
شوبز انڈسٹری میں فنکاروں کی قریبی دوستیاں کوئی نئی بات نہیں اور ہانیہ عامر کے کئی فنکاروں سے دوستانہ تعلقات مشہور ہیں۔
ایک وقت تھا جب ہانیہ اور نوجوان اداکار و گلوکار عاشر وجاہت کی قریبی دوستی کے چرچے عام تھے، اور دونوں کو اکثر سیر و تفریح کرتے اور ایک دوسرے کے ساتھ وقت گزارتے دیکھا جاتا تھا۔
تاہم، جون 2021 میں ایک ویڈیو منظرِ عام پر آئی جس میں ہانیہ عامر، عاشر وجاہت اور ان کے بھائی نائل کو میوزک پر لپ سنکنگ کرتے اور بے تکلف انداز میں دیکھا گیا۔
اس ویڈیو پر سوشل میڈیا صارفین اور مداحوں کی جانب سے شدید تنقید کی گئی اور یہ تیزی سے وائرل ہو گئی۔ اس واقعے کے بعد سے عاشر وجاہت اور ہانیہ عامر کو سوشل میڈیا پر ایک ساتھ نہیں دیکھا گیا۔
حال ہی میں ایک پوڈکاسٹ میں گفتگو کے دوران، عاشر وجاہت نے اس دوری کی وجہ بتائی۔
انہوں نے کہا کہ ایک معروف اداکار نے انہیں مشورہ دیا تھا کہ وہ مشہور شخصیات کے ساتھ نظر آنے کے بجائے اپنے کام پر توجہ دیں تاکہ ان کی صلاحیتوں میں مزید نکھار آئے اور وہ اپنے حقیقی ٹیلنٹ کو پہچان سکیں۔
عاشر نے یہ بھی واضح کیا کہ وہ اب بھی اپنے تمام دوستوں سے ملتے جلتے ہیں، لیکن ان لمحات کو سوشل میڈیا پر شیئر نہیں کرتے۔
Comments
0 comment