رنبیر کپور اور عالیہ بھٹ کی ممبئی میں عالیشان کوٹھی تیار ، قیمت جان کر ہر کوئی حیران

بھارتی فلم انڈسٹری کے سینئر اداکار رشی کپور کے صاحبزادے اداکار رنبیر کپور اور عالیہ بھٹ کی ممبئی میں عالیشان کوٹھی تیار ہوگئی۔

بھارتی میڈیا کا اس حوالے سے کہنا ہے کہ رنبیر کپور کی جانب سے ممبئی کے پوش علاقے میں عالیشان گھر بنایا گیا جس کی تعمیر مکمل ہونے میں 5 سال لگے۔

 کرشنا راج بینگلو 6 منزلوں پر مشتمل ہے اور اس کی تعمیر کے دوران رنبیر اور عالیہ کام کی نگرانی خود کرتے رہے۔

رپورٹس کے مطابق دونوں جلد اپنے نئے گھر میں شفٹ ہوجائیں گے، اور اداکار کی والدہ نیتو کپور بھی کرائے کا گھر چھوڑ کر بیٹے اور بہو کے ساتھ اسی گھر میں سکونت اختیار کرلیں گی۔

کہا جارہا ہے کہ رنبیر اور عالیہ بھٹ کے نئے گھر کی مالیت 250 کروڑ بھارتی روپے ہے اور یہ کسی بھی بالی وڈ شخصیت کا سب سے مہنگا گھر ہے۔اس سے قبل کسی اداکار نے اتنا مہنگا گھر نہیں خریدا۔

خیال رہے کہ شاہ رخ خان کے 6 منزلہ عالیشان گھر منت کی مالیت بھی 200 کروڑ بھارتی روپے ہے۔

رنبیر کا عالیشان گھر ساحل سمندر پر واقع ہے جس میں  شیشے کے دروازے لگائے گئے ہیں جبکہ بالکونیوں میں پودے بھی لگائے گئے ہیں۔