پی ایس ایل11 میں حیدرآباد کی قیادت کیلئے بے چین ہوں، مارنوس لبوشین

حیدرآباد کنگز کے کپتان مارنوس لبوشین نے کہا ہے کہ پی ایس ایل سیزن 11 میں حیدرآباد ٹیم کی قیادت کیلئے  بے چین ہوں۔

مارنوس لبوشین نے اپنے ایک بیان میں حیدرآباد ٹیم کی قیادت کرنے پر خوشی کا اظہار کیا۔

انہوں نے کہا کہ پی ایس ایل سیزن11 میں حیدرآباد ٹیم کی قیادت کرنے کے لیے بیتاب ہوں۔

مارنوس لبوشین نے مزید کہا کہ حیدرآباد ٹیم کو جوائن کرنے کا منتظر ہوں، حیدرآباد کے فینز آئیں اور ہمیں سپورٹ کریں۔

اس کے ساتھ ہی انہوں نے تو ہوجائے ہوجمالو کا نعرہ بھی لگایا۔

واضح رہے کہ پاکستان سپر لیگ کا یہ سیزن 26 مارچ سے 3 مئی تک کھیلا جائے گا اور پی ایس ایل کے نئے سیزن کا آفیشل اینتھم چاند رات پر ریلیز کیے جانے کا امکان ہے۔