سونا آج سینکڑوں روپے سستا ہوگیا

آج کاروباری روز کے دوران عالمی اور مارکیٹ میں سونے کی قیمت میں کئی سو روپے کی کمی ریکارڈ کی گئی۔

رپورٹ کے مطابق بین الاقوامی بلین مارکیٹ میں فی اونس سونے کی قیمت 15ڈالر کی کمی سے 3ہزار 353ڈالر کی سطح پر آگئی۔

مقامی صرافہ مارکیٹوں میں بھی عالمی مارکیٹ میں کمی کے باعث منگل کو سونے کی قیمتوں میں کمی کا رحجان رہا جس سے مقامی سطح پر 24 قیراط کا حامل فی تولہ سونے کی قیمت 1500 روپے کی کمی سے 3 لاکھ 58 ہزار روپے کی سطح پر آگئی۔

اس کے علاوہ فی دس گرام سونے کی قیمت بھی 1286روپے گھٹ کر 3لاکھ 6ہزار 927روپے کی سطح پر آگئی۔

اس کے برعکس فی تولہ چاندی کی قیمت 18روپے کے اضافے سے 3ہزار 971روپے اور دس گرام چاندی کی قیمت بھی 15روپے کے اضافے سے 3ہزار 404 روپے کی سطح پر آگئی۔