ملک میں سونے کی قیمت میں ایک بار پھر بڑا اضافہ ہوگیا

کراچی : سونے کی قیمت میں گزشتہ روز کمی ہوئی تھی، جس کے بعد پھر عالمی اور مقامی سطح پر سونے کی قیمت بلند ترین سطح پر پہنچ گئی۔

بین الاقوامی بلین مارکیٹ میں فی اونس سونے کی قیمت 10ڈالر کے اضافے سے 2ہزار 869ڈالر کی بلند ترین سطح پرپہنچ گئی۔

جس کے سبب مقامی صرافہ مارکیٹوں میں بھی 24قیراط کے حامل فی تولہ سونے کی قیمت 1ہزار 346روپے کے اضافے سے 3لاکھ 46روپے کی نئی تاریخ ساز سطح پر پہنچ گئی۔

اسی طرح فی 10 گرام سونے کی قیمت بھی 1ہزار 154روپے کے اضافے سے 2لاکھ 57ہزار 241روپے کی نئی بلند ترین سطح پر آگئی ہے۔

سونے کی قیمتوں میں اضافے کے اثرات چاندی کی قیمتوں پر بھی مرتب ہورہے ہیں، جس کے نتیجے میں مقامی صرافہ مارکیٹوں میں فی تولہ سونے کی قیمت 51روپے کے اضافے سے 3ہزار 378روپے اور فی 10گرام چاندی کی قیمت بھی 44روپے کے اضافے سے 2ہزار 896روپے کی سطح پر آگئی ہے۔