صومالیہ نے متحدہ عرب امارات کے ساتھ تمام معاہدے منسوخ کر دئیے

موغادیشو: صومالیہ کی کابینہ نے متحدہ عرب امارات کے ساتھ تمام معاہدے منسوخ کر دیے۔صومالی کابینہ نے کہا کہ متحدہ عرب امارات صومالیہ کی وحدت، خود مختاری اور سالمیت کیخلاف سرگرمیوں میں ملوث ہے۔

صومالی کابینہ کا مزید کہنا تھا کہ متحدہ عرب امارات کی مداخلت اور سرگرمیاں آزاد اور خود مختار ملک کے لیے خطرہ اور دیگر ممالک کی خود مختاری کے احترام کے اصولوں کی خلاف ورزی ہے۔

 کابینہ نے کہا کہ امارات کی مبینہ مداخلت اور سرگرمیوں کے حوالے سے صومالیہ کے پاس ٹھوس ثبوت ہے۔

صومالی کابینہ کے مطابق صومالیہ نے امارات کے ساتھ تمام سیکیورٹی اور دفاعی تعاون کے معاہدوں کو منسوخ کر دیا، امارات کے ساتھ صومالیہ کے تین بندرگاہوں کے معاہدے بھی منسوخ کر دیے ہیں۔