مودی سرکار کو بڑا دھچکا، امریکا نے تجارتی مذاکرات منسوخ کردیے

امریکا نے ٹیرف اور جرمانے کے معاملے پر بھارت کے ساتھ اگست میں ہونے والے تجارتی مذاکرات منسوخ کر دیے۔

بھارتی میڈیا نے کے مطابق امریکی تجارتی وفد کو 25 تا 29 اگست بھارت کا دورہ کرنا تھا جس کے دوران ٹیرف اور جرمانے سے متعلق بات چیت ہوتی۔

تاہم اب امریکا نے اچانک وفد کا دورہ منسوخ کرتے ہوئے مذاکرات منسوخ کردیے۔میڈیا رپورٹس کے مطابق امریکی دورہ منسوخ ہونے سے امریکا بھارت تجارتی مذاکرات تعطل کا شکار ہو گئے۔

یاد رہے کہ امریکا بھارت پر 25 فیصد ٹیرف پہلے ہی لگا چکا ہے جبکہ روس سے پیٹرولیم مصنوعات خریدنے کی پاداش میں اضافی 25 فیصد ٹیرف کا اطلاق اگلے کچھ دنوں میں ہو گا اور اس طرح بھارت کو امریکا کی جانب سے 50 فیصد ٹیرف کا سامنا ہو گا۔

اس کے ساتھ ہی امریکا نے بھارت کو خبردار کیا تھا کہ اگر صدر ٹرمپ اور ولادیمیر پیوٹن کے درمیان مذاکرات ناکام ہوئے تو وہ بھارت پر مزید ٹیرف لگائے گا، اس صورت میں بھارت پر مجموعی امریکی ٹیرف 50 فیصد سے بھی زیادہ ہو نے کا امکان ہے۔