بمباری جاری، اسرائیل نے غزہ کے لیے امدادی سامان کی آمد معطل کردی

غزہ: غزہ کی پٹی میں جنگ بندی معاہدے کی خلاف ورزیوں کے حوالے سے حماس کے ساتھ الزامات کے تبادلے کے بعد تل ابیب کی جانب سے کشیدگی میں اضافے کی دھمکی دی گئی اور پھر اس نے اپنی دھمکی پر عمل کرتے ہوئے امداد کا داخلہ بھی معطل کردیا ہے۔

صبح سے درجنوں فضائی حملوں کے بعد ایک اسرائیلی سکیورٹی اہلکار نے اعلان کیا کہ اسرائیل نے محصور غزہ کی پٹی میں انسانی امداد کا داخلہ معطل کر دیا ہے۔

 عہدیدار نے اس فیصلے کو درست قرار دیتے ہوئے دعوی کیا کہ حماس نے جنگ بندی معاہدے کی خلاف ورزی کی ہے۔

اس نے اپنا نام ظاہر نہ کرنے کی درخواست کرتے ہوئے یہ بھی کہا کہ حماس کی طرف سے جنگ بندی معاہدے کی کھلم کھلا خلاف ورزی کے بعد غزہ کی پٹی میں انسانی امداد کا داخلہ اگلے نوٹس تک روک دیا گیا ہے۔

 تاہم اسرائیلی نشریاتی ادارے نے ایک سیاسی ذریعے کے حوالے سے بتایا ہے کہ سیاسی قیادت کی ہدایت کے تحت امداد کل غزہ میں داخل ہو گی۔

 ذرائع نے مزید کہا کہ شدید بمباری اور حماس کے درجنوں ارکان کی شہادت کی وجہ سے اسرائیل نے آج ٹرکوں کی آمدورفت روک دی۔ حملے رک جانے کے بعد دوبارہ آپریشن شروع کردیا جائے گا۔

اسرائیلی عہدیدار نے اعلان کیا کہ رفح کراسنگ صرف اس وقت کھلے گی جب اسرائیل یہ طے کرے گا کہ حماس مناسب رفتار سے یرغمالیوں کی لاشیں واپس کر رہی ہے۔

 یہ اس وقت سامنے آیا جب اسرائیلی فوج نے اتوار کی شام اعلان کیا کہ اس نے غزہ میں حماس کے درجنوں اہداف پر بمباری کی ہے۔ اسرائیل نے حماس پر آج صبح معاہدے کی صریح خلاف ورزی کا الزام لگایا ہے۔

ایک بیان میں اسرائیلی فوج نے وضاحت کی کہ حملوں میں سے ایک نے حماس کی 6 کلومیٹر لمبی سرنگ کو نشانہ بنایا۔ یہ انکشاف کیا گیا پوری پٹی میں تحریک کے اہداف پر حملہ کرنے کے لیے 120 سے زیادہ ذخیروں کا گولہ بارود استعمال کیا گیا۔

یہ اس وقت سامنے آیا جب اس نے جنوبی غزہ کی پٹی پر نئے حملوں کے سلسلے کا اعلان کیا اور رہائشیوں سے یلو لائن سے دور رہنے کی اپیل کی۔

ذرائع نے یہ بھی انکشاف کیا ہے کہ اسرائیلی فوج نے وسطی اور شمالی غزہ میں موجود حماس کے درجنوں ارکان کو ڈرون حملوں کا کامیاب نشانہ بنایا۔