باکسر عامر خان پاک فوج کے ’کیپٹن‘ بن گئے

پاکستانی نژاد برطانوی باکسر عامر خان پاک فوج کو خیر سگالی سفیر مقرر کرتے ہوئے انہیں کیپٹن کا اعزازی عہدہ دے دیا گیا ہے۔

مائیکروبلاگنگ سائٹ ایکس پر عامر خان نے ایک ویڈیو شیئر کی جس میں انہوں نے کیپٹن کی وردی پہنی ہوئی ہے اور اس کے ساتھ انہوں نے خود کو کیپٹن عامر خان لکھا۔

ویڈیو میں عامر خان کا کہنا تھا کہ ’’مجھے پاکستان آرمی نے عزت بخشی۔ میرا نام وہاں کپتان کے طور پر لکھا، جس پر میں پاک فوج کا بہت مشکور ہوں۔

یہ پیشرفت باکسر اور قومی کراٹے چیمپئن شاہ زیب رند کی چیف آف آرمی اسٹاف (سی او اے ایس) جنرل سید عاصم منیر سے جنرل ہیڈ کوارٹرز (جی ایچ کیو) میں ملاقات کے بعد سامنے آئی۔

انٹر سروسز پبلک ریلیشنز (آئی ایس پی آر) کے مطابق ایتھلیٹس اور آرمی چیف کے درمیان ملاقات پاکستان میں کھیلوں پر تبادلہ خیال کے لیے ہوا جبکہ آرمی چیف نے شاندار کامیابیوں پر دونوں کھلاڑیوں کی تعریف کی اور اُن کی صلاحیتوں کو سراہا۔

Capt Amir Khan pic.twitter.com/WRYVnYqYYc

— Amir Khan (@amirkingkhan) May 4, 2024