سگی بہن سے 4 ماہ تک زیادتی ، لڑکی حاملہ ہوگئی

راولپنڈی میں چار ماہ تک بہن کو متعدد بار مبینہ زیادتی کا نشانہ بنا کر حاملہ کرنے والے وحشی درندے کو پولیس نے گرفتار کرلیا۔

تفصیالت کے مطابق راولپنڈی کے تھانہ بیرونی کے علاقے گلشن آباد میں 18 سالہ بھائی نے اپنی 15 سالہ سگی بہن کو چار ماہ تک زیادتی کا نشانہ بنایا جس کے بعد وہ حاملہ ہوگئی۔

بہن کے حاملہ ہونے پر پولیس نے واقعے کا مقدمہ درج کر کے ملزم کو گرفتار کرلیا۔

مقدمے کے مدعی لڑکی کے والد اجمل جمال ہیں جنہوں نے بتایا کہ وہ بہاولپور سے تعلق رکھتے اور پنڈی میں محنت مزدوری کرتے ہیں، اُن کی چھ بیٹیاں جبکہ ایک بیٹا ہے۔

انہوں نے پولیس کو بتایا کہ 15 سالہ بیٹی کی طبیعت اچانک خراب ہوئی تو بڑی بیٹی علاج کے لیے ڈاکٹر کے پاس لے گئی، ڈاکٹر نے چیک اَپ کے بعد بتایا کہ بچی حاملہ ہے، جس پر اہلیہ نے بچی سے پوچھا تو اُن سے انکشاف کیا کہ بھائی شہزاد چار ماہ سے زیادتی کا نشانہ بنا رہا ہے۔

پولیس کا کہنا تھا کہ 18 سالہ ملزم  حجام کی دکان پر کام کرتا ہے جس کو گرفتار کرکے مقدمہ درج کر لیا گیا ہے اور مزید تفتیش شروع کر دی گئی ہے۔