کراچی، سفاک شخص نے جھگڑے پر بیوی اور 12 سالہ بیٹی کو قتل کردیا

کراچی کے علاقے کلفٹن اپر گزری بلوچ پاڑہ میں گھریلو جھگڑے پر شوہر نے بیوی اور 12 سالہ بیٹی کو تیز دھار آلے کے وار سے قتل کردیا۔

کلفٹن پولیس کے مطابق واقعہ نورانی مسجد کے قریب ایک گھر میں پیش آیا۔ حملے کے فوراً بعد پولیس موقع پر پہنچی اور ملزم سمیع اللہ کو گرفتار کرلیا، جبکہ آلۂ قتل بھی تحویل میں برآمد کرلیا۔

ایس ایچ او کے مطابق 45 سالہ کلثوم موقع پر ہی دم توڑ گئیں، جبکہ زخمی بچی مریم اسپتال منتقل کیے جانے سے قبل ہی چل بسی۔

پولیس نے ملزم کو جائے واردات سے گرفتار کر کے مزید تفتیش کے لیے تھانے منتقل کردیا ہے۔ ابتدائی معلومات کے مطابق واقعہ گھریلو جھگڑے کا نتیجہ تھا، تاہم پولیس مزید پہلوؤں سے بھی تحقیقات کر رہی ہے۔