وزیرستان میں فورسز کے ہیڈکوارٹر پر خودکش حملہ ناکام، تمام حملہ آور ہلاک

خیبرپختونخوا کے ضلع شمالی وزیرستان کے علاقے بویہ میں سیکیورٹی فورسز کے ہیڈ کوارٹر پر خود کش حملہ ہوا ہے۔

مقامی افراد کی اطلاع کے مطابق بویہ میں قائم سیکیورٹی فورسز کے ہیڈ کوارٹر قلعہ کے مرکزی دروازے پر خودکش حملہ آور نے بارود سے بھری گاڑی اڑائی۔

دھماکے کے ساتھ ہی پانچ خوارج ہیڈ کوارٹر میں داخل ہوئے تاہم سیکیورٹی فورسز کی بروقت جوابی کارروائی میں تمام خوارج مارے گئے جن کی تعداد 5 اور خودکش حملہ آور سمیت چھ ہے۔

ہیڈکوارٹر میں دھماکے کے بعد امدادی کارروائیاں جاری ہیں جبکہ فورسز نے علاقے کو گھیرے میں لے لیا ہے۔ ذرائع کے مطابق واقعے کی ذمہ داری کالعدم شدت پسند تنظیم تحریک طالبان پاکستان نے قبول کی ہے۔