نسلہ ٹاؤر کیس میں منظور کاکا سمیت 27 ملزمان عدم شواہد پر بری

کراچی کی اینٹی کرپشن کورٹ نے نسلہ ٹاور کیس میں گرفتار سابق ڈی جی سندھ بلڈنگ کنٹرول اتھارٹی (ایس بی سی اے) منظور کاکا سمیت 26 ملزمان کو عدم شواہد کی بنا پر بری کر دیا ہے۔

ملزمان پر الزام تھا کہ انہوں نے نسلہ ٹاور کی تعمیر کے لیے غیر قانونی طور پر زمین الاٹ کی اور رشوت بھی وصول کی۔ ان پر نسلہ ٹاور کی زمین 700 گز سے بڑھا کر 1100 گز کرنے کا الزام تھا۔

تاہم، عدالت نے اپنے فیصلے میں کہا کہ پراسیکیوشن ملزمان کے خلاف الزامات ثابت کرنے میں ناکام رہی۔

یہ بات قابلِ ذکر ہے کہ تین سال قبل سپریم کورٹ کے اس وقت کے چیف جسٹس گلزار احمد نے نسلہ ٹاور کو غیر قانونی قرار دیتے ہوئے اس کے انہدام کا حکم دیا تھا۔

اس حکم کے بعد انتظامیہ نے 69 دن کی مسلسل کارروائی کے بعد 15 منزلہ عمارت کو مکمل طور پر مسمار کر دیا تھا۔