کراچی میں ہیوی ٹریفک کی آمد و رفت پر مکمل پابندی عائد

شہر قائد میں ٹریفک پولیس چیف نے ہیوی ٹریفک کی آمد و رفت پر مکمل پابندی عائد کرنے کا اعلان کردیا۔

ڈی آئی جی ٹریفک کراچی پیر محمد شاہ کی ہدایات پر 11 اور 12 ربیع الاول کے موقع پر شہر میں ہیوی ٹریفک کی آمدورفت پر مکمل پابندی عائد کر دی گئی ہے۔

تفصیلات کے مطابق ڈی آئی جی ٹریفک کراچی نے جشن عیدمیلاد النبیﷺ کے موقع پر 11 اور 12 ربیع الاول کو شہر میں ہیوی ٹریفک کی آمدورفت پر مکمل پابندی عائد کر دی ہے۔

ترجمان کراچی ٹریفک پولیس کے مطابق تمام ڈمپر مالکان اور ہیوی ٹرانسپورٹرز کو پابندی سے متعلق پیشگی آگاہ کر دیا گیا ہے تاکہ شہریوں کو کسی بھی قسم کی پریشانی یا ٹریفک جام کا سامنا نہ کرنا پڑے۔

ترجمان ٹریفک پولیس کا کہنا ہے کہ پابندی پر عمل نہ کرنے والوں کے خلاف سخت قانونی کارروائی عمل میں لائی جاتے گی ۔