امدادی قافلے کو اسرائیل نے یونانی جزیرے پر چھوڑ دیا

غزہ کے لیے روانہ ہونے والے امدادی بحری قافلے کو اسرائیلی کارروائی کے بعد یونان کے جزیرے کریٹ منتقل کر دیا گیا ہے۔

بین الاقوامی خبر رساں اداروں کے مطابق فریڈم فلوٹیلا کے منتظمین نے بتایا ہے کہ اسرائیلی افواج نے یونان کے قریب بین الاقوامی سمندری حدود میں جہازوں کو روک کر اپنے قبضے میں لے لیا، جس کے بعد ان پر سوار کارکنوں کو کریٹ منتقل کیا گیا۔

منتظمین کے مطابق اس قافلے میں شامل 168 افراد کو جزیرہ کریٹ پہنچایا گیا ہے، جبکہ دو کارکن اب بھی اسرائیلی حکام کی تحویل میں ہیں۔

یہ قافلہ غزہ کے لیے انسانی امداد لے کر جا رہا تھا، تاہم راستے میں پیش آنے والے اس واقعے کے بعد عالمی سطح پر تشویش کا اظہار کیا جا رہا ہے۔