ملک میں سونا مزید مہنگا ، خریداروں کے ہوش اُڑ گئے

کراچی : امریکی صدر ڈونلڈ ٹرمپ کی جانب سے نئے ٹیرف کی دھمکیوں کے بعد بین الاقوامی مارکیٹ میں سونے کی قیمت میں مزید اضافہ ہوگیا۔

بین الاقوامی مارکیٹ میں سونے کی قیمت 2 ہزار  911 ڈالر فی اونس یعنی 8 لاکھ 12 ہزار روپے سے تجاوز کرگئی ہے۔

اس کے علاوہ کراچی میں سونے کی فی تولہ قیمت 4 ہزار روپے اضافے کے بعد 3 لاکھ 3 ہزار روپے ہوگئی۔

ملک میں 10گرام سونے کا بھا 3 ہزار 429 روپے اضافے سے 2 لاکھ59 ہزار 773 روپے ہوگیا۔

تجزیہ کاروں کے مطابق سرمایہ کاروں نے تجارتی جنگ اور مہنگائی کے خدشات کے پیش نظر سونے پر نظریں جما لی ہیں، سونے کی طلب میں اضافے کے باعث ریٹ بڑھ گئے ہیں۔