ملک بھر میں سونے کی قیمت میں مسلسل تیسرے روز اضافہ

کراچی: ملک بھر میں سونے کی قیمت میں مسلسل تیسرے روز اضافہ دیکھا گیا ہے۔

آل پاکستان جیمز اینڈ جیولر ایسوسی ایشن کے مطابق ملک بھر میں سونے کی قیمت میں 500 روپے کا اضافہ ہوا ہے جس کے بعد سونے کی فی تولہ قیمت 3 لاکھ 62 ہزار 700 روپے ہوگئی ہے۔

ایسوسی ایشن کے مطابق اسی طرح 10 گرام سونے کا بھاؤ 428 روپے بڑھ کر 3لاکھ 10 ہزار956 روپے ہے۔

دوسری جانب عالمی بازار میں سونے کا بھاؤ 5 ڈالر اضافے سے 3400 ڈالر فی اونس ہے۔