سردیوں میں گیس کا وقت آئے گی؟ نیا شیڈول جاری

سردیوں میں گھریلو صارفین کو صبح 6:30 سے 9 بجے،دوپہر 12 سے 02:30 بجے اور شام 6 سے رات 9 بجے تک گیس فراہم کی جائیگی۔

سوئی سدرن گیس کمپنی نے موسمِ سرما کے لیے گیس فراہمی کا شیڈول جاری کردیا۔

ترجمان ایس ایس جی سی کے مطابق گھریلو صارفین کو صبح ساڑھے 6 سے 9 بجے، دوپہر 12 سے ڈھائی بجے اور شام 6 سے رات 9 بجے تک گیس فراہم کی جائے گی۔

ترجمان ایس ایس جی سی کا کہنا ہے کہ حکومتِ پاکستان کی ہدایات کے تحت موسمِ سرما میں گھریلو صارفین کو ترجیح دی جائے گی جبکہ کھانا پکانے کے مقررہ اوقات میں گیس کی دستیابی یقینی بنانے کے لیے اقدامات کیے جا رہے ہیں۔

مجموعی طور پر 24 گھنٹوں میں سے صرف 9 گھنٹے گیس فراہم کرنے کا شیڈول جاری کیا گیا ہے تاہم اس پر اطلاق کس حد تک ہوگا اس پر حتمی کوئی بات نہیں کہی جاسکتی۔