روٹی کپڑا اور مکان، کراچی سے نیویارک تک بنیادی اہمیت رکھتے ہیں، بلاول کی ظہران ممدانی کو مبارک باد

پاکستان پیپلز پارٹی کے چیئرمین بلاول بھٹو زرداری نے ظہران ممدانی کو نیویارک سٹی کے میئر کے طور پر تاریخی کامیابی حاصل کرنے پر دلی مبارکباد پیش کی ہے۔

سماجی رابطے کی ویب سائٹ ایکس (سابق ٹوئٹر) پر اپنے پیغام میں بلاول بھٹو نے کہا کہ ممدانی کی کامیابی اس بات کا ثبوت ہے کہ "روٹی، کپڑا اور مکان" جیسے بنیادی حقوق دنیا بھر کے لوگوں کے لیے یکساں اہمیت رکھتے ہیں۔

انہوں نے کہا کہ یہ جیت وقار اور برابری کے اُس منشور کی عکاسی کرتی ہے جو کراچی سے نیویارک تک کے عوام کو جوڑتا ہے۔

بلاول بھٹو کے مطابق یہ ترقی پسند قوتوں کے لیے ایک فخر کا لمحہ ہے۔