سندھ ہائیکورٹ نے رجب بٹ کیخلاف شعائر اسلام کی توہین کا مقدمہ ختم کرنے کا فیصلہ سنادیا

سندھ ہائی کورٹ نے معروف یوٹیوبر رجب بٹ کے خلاف درج مقدمہ ختم کرنے کی درخواست مسترد کرتے ہوئے پولیس کو کیس کی تفتیش مقررہ مدت میں مکمل کرنے کی ہدایت جاری کر دی۔

عدالت نے اپنے فیصلے میں آئی جی سندھ کو ہدایت کی کہ وہ اس بات کو یقینی بنائیں کہ مقدمے کی تحقیقات بلا تاخیر مکمل کی جائیں۔ اگر تفتیش کے دوران ملزم کے خلاف کوئی قابلِ اعتماد ثبوت نہ ملے تو تفتیشی افسر فوری طور پر متعلقہ عدالت میں اپنی رپورٹ جمع کرائے۔

عدالت نے حکم دیا کہ اس ہدایت پر تین ہفتوں کے اندر عمل درآمد کیا جائے۔

یاد رہے کہ سندھ ہائی کورٹ نے فریقین کے دلائل سننے کے بعد فیصلہ محفوظ کیا تھا، جو اب جاری کر دیا گیا ہے۔

واضح رہے کہ رجب بٹ کے خلاف کراچی کے حیدری مارکیٹ تھانے میں شعائرِ اسلام کی مبینہ توہین سے متعلق مقدمہ درج ہے، جو وکیل ریاض سولنگی کی درخواست پر قائم کیا گیا تھا۔