تین ملکی ٹی ٹوئنٹی سیریز کا آغاز 18 نومبر سے ہوگا

 راولپنڈی: تین ملکی ٹی ٹوئنٹی سیریز میں شرکت کیلئے زمبابوے کی ٹیم اسلام آباد پہنچ گئی، سیریز کا آغاز 18 نومبر سے ہوگا جس میں پاکستان، سری لنکا اور زمبابوے کی ٹیمیں شرکت کریں گی۔

اس سے قبل پاکستان کرکٹ بورڈ نے تین ملکی ٹورنامنٹ کے شیڈول میں تبدیلی کی اور تمام میچز راولپنڈی میں 18 سے 29 نومبر کے درمیان کرانے کا فیصلہ کیا۔

پرانے شیڈول کے مطابق یہ میچز 17 سے 29 نومبر تک راولپنڈی اور لاہور میں ہونا تھے۔

اس حوالے سے پاکستان کرکٹ بورڈ کے مطابق شیڈول میں تبدیلی کا فیصلہ بورڈز کی مشاورت سے آپریشنل وجوہات کی بنیاد پر کیا ہے اور اب تمام میچزراولپنڈی میں کھیلے جائینگے ۔