کراچی کے گل پلازہ میں خوفناک آتشزدگی اموات بڑھ گئیں، عمارت کے دو حصے زمین بوس

شہر قائد میں واقع ایم اے جناح روڈ پر واقع گل پلازہ میں لگنے والی آگ بے قابو ہوگئی جس سے 6 افراد جاں بحق جبکہ 30 سے زخمی ہوئے جن کی حالت تشویشناک ہے جبکہ متعدد پھنسے ہونے کا خدشہ اب بھی ہیں۔

تفصیلات کے مطابق 1200 دکانوں پر گل پلازہ میں لگنے والی آگ تیزی سے پھیلتی ہوئی اوپری منزل تک پہنچ گئی جبکہ اس نے متعدد دکانوں کو اپنی لپیٹ میں لے لیا ہے۔

آتشزدگی کی شدت اس قدر خوفناک تھی کہ 16گھنٹوں میں بھی اس پر قابو نہ پایا جاسکا جبکہ چیف فائر آفیسر نے کہا ہے کہ مکمل قابو پانے میں مزید دو دن کے سکتے ہیں۔

مرنے والوں میں یہ ریسکیو رضاکار بھی شامل ہے جو عمارت کے ملبے تلے دب کر جاں بحق ہوا۔

آتشزدگی کی اطلاع موصول ہونے پر ریسکیو 1122، فائر بریگیڈ محکمے اور ریسکیو رضاکار بھی جائے وقوعہ پہنچے جہاں سے جھلس کر زخمی ہونے والے 7 زخمیوں کو طبی امداد کیلیے سول اسپتال منتقل کیا گیا۔

ترجمان واٹرکارپوریشن کے مطابق فائر بریگیڈ اور ریسکیو 1122 نے واٹر کارپوریشن سے فوری مدد طلب کرلی جبکہ واٹر کارپوریشن کے چیف ایگزیکٹیو آفیسر کی ہدایت پر نیپا اور صفورہ ہائیڈرنٹس پر ایمرجنسی نافذ کردی گئی ہے۔

ترجمان کے مطابق واٹر کارپوریشن کی جانب سے فوری طور پر واٹر ٹینکرز جائے وقوعہ پر روانہ کردیے گئے ہیں اور فوکل پرسن سی ای او برائے ہائیڈرنٹس سیل شہباز بشیر آپریشن کی خود نگرانی کر رہے ہیں۔

 آگ بجھانے کے عمل میں فائر بریگیڈ کو بلا تعطل پانی کی فراہمی یقینی بنائی جا رہی ہے، واٹر کارپوریشن فائر بریگیڈ اور ریسکیو اداروں کے ساتھ بھرپور تعاون کر رہا ہے، آتشزدگی پر مکمل قابو پانے تک واٹر ٹینکرز کی فراہمی جاری رہے گی۔

وزیر داخلہ ضیا الحسن لنجار نے عمارت میں پھنسے لوگوں کو فوری ریسکیو کرنے کیلیے ہر ممکن اقدامات کی ہدایت کی اور آگ لگنے کی وجوہات جاننے کیلیے تفتیش کرنے کا حکم دے دیا۔

انہوں نے کہا کہ گل پلازہ کی عمارت کو مکمل محفوظ اور محفوظ کیا جائے اور آگ کو پھیلنے سے روکا جائے، فائر بریگیڈ گاڑیوں اور عملے کی رسائی کے لیئے راستوں کو کلیئر کیا جائے۔