پاکستان میں مسلسل چوتھے روز ایکس سروس متاثر

پاکستان میں مسلسل چوتھے روز بھی سوشل میڈیا کے معروف پلیٹ فارم کی سروس غیر اعلانیہ طور پر بند ہے۔

انٹرنیٹ سروسز پر نظر رکھنے والے ادارے اور غیر سرکاری تنظیم نیٹ بلاکس نے بتایا کہ گزشتہ 72 گھنٹوں سے زائد وقت سے پاکستان میں ایکس سروس سے بہت سارے صارفین محروم ہیں۔

رپورٹ میں بتایا گیا ہے کہ ایکس سروس 17 فروری کو رات 10 بجے بند ہوئی، جس کے بعد مبینہ طور پر کچھ علاقوں میں سروس جزوی طور پر بحال ہوگئی تھی لیکن دوبارہ معطل کردی گئی۔